病左差不多一個月的我仲未好返晒,真的煩死啦,加上依D潮潮濕濕的天氣真的好悶呀, 所以要整野食去調節下自己的心情!!!!!
今次整個簡單牌的LC冇水蒸雞, 真的好味又易做, 而且D雞真的好滑,
肥雞一只, 大概1.5斤到, 洗淨加少少盐幫只雞按摩下, 之後將幾片薑同2棵塞入個雞肚內面就OK LA .
今次用27CＭ的ＬＣ煲整，只要加半碗水係個煲內面，之後將只雞放內去， 好似張相咁。 雞胸響下，等佢易Ｄ熟.
之後下蓋，我用左中大火焗７分鐘，再小火焗６分鐘，之後關火再焗佢１５分鍾，就ＯＫ啦！係唔係好易呢，
睇下幾肥美，成只雞係漲卜卜的，等佢冇咁熱時斬左佢就可以開飯啦。。。。
睇下肥妹仔豆豆食得幾滋味!
再配搭咪依個自己整的薑蔥油就更加完美，連豆爸都不斷話好食，ＨＥＨＥ。。。
買左Ｄ銀牙，原本諗住整冷盆的，但依Ｄ天氣都係熱食好Ｄ，所以用左馬友鹹魚炒銀牙!
唔知點解成日覺得食雞就要配菜飯, 所以我又快快手整左個菜飯, 今次買左半斤小唐菜.將佢洗淨....
再將洗好的小唐菜切成菜粒就可以
之後熱鍋下油,不過真的要見到有油紋先可以開始炒菜,而且快炒個只再加少少盐 ,見到D菜一轉色就關火同格開D水,以免太熟変黃同唔脆,因為之後仲要撈白飯,都會加熟D菜的
白飯方面可以將頭先焗雞時迫出來的雞湯加白米同少少盐煮熟, 但落水方面就比平時落少1/3的水份, 因為菜本身帶有水份, 所以係撈起飯時先不會変得太濕,,而且見到粒粒米的,真的好好味...
依個簡單的配搭真的滿足我病左成個月的心情呢..................
沒有留言:
張貼留言