海鮮豆腐泡菜煲，Yummy !

啱啱玩完5日4夜的韓國之旅返來,但個心仍然好想好想泡菜鍋,我係唔係傻家啊, WAHAHA...不過講開又講啊,韓國D女仔真的好瘦,D皮膚又滑又靚, 真的睇到我依個阿豬媽眼金金.......

 

 

導遊更話我地知, 因為韓國人唔會好似我地香港咁餐餐都好要好多道菜, 佢地多數都係以一個主菜加其他的冰盆一齐就當一餐的, 其次就係因為佢地日日都泡菜啦, 因為泡菜係經過發酵製成的, 而且酵素可以有助腸道排出毒素, 咁皮膚自然都靚D啦...為左靚,我依阿豬媽當然要有樣學樣啦...WAHAHA

材料:
硬豆腐          一磚
京蔥              一條
雞脾茹          一只
洋蔥              半個
虾                  10只
雞柳              2條
鱿鱼              一只
泡菜              2湯匙

調味理:
韓式豆瓣醬            1.5茶匙
韩式辣酱                1湯匙
生抽                        1茶匙
盐                            半茶匙
雞粉                                    半茶匙
水                            200ML


首先凍鍋落油, 等D油熱左時就將洋蔥炒一炒, 逐加入其他材料一同炒, 除左豆腐同泡菜之外,之後加入水同調味理混合咪一齐, 等佢滾開後先加入豆腐, 因為豆腐本身已經熟的而且比例易碎, 所以最後先放豆腐同泡茶, 之後再試下味道, 如果唔夠咸就可以再加少少生抽就可以啦, 最後加咪少少麻油就成功啦....................

番茄紅蘿蔔炆牛肋條

 

包牛肋條已經買左一段時間, 但成日都冇時間整, 所以今日決定清一清雪櫃整左啊, 大家都鐘意我依個簡單方便的理料!

 

材料:
牛肋條　　　　１包大約１磅到
紅蘿蔔　　　　２條
番茄　　　　　３個
西芹　　　　　３條
洋蔥　　　　　１個

調味料：　
香葉　　　　　３片
茄膏　　　　　３湯匙
生抽　　　　　２湯匙
冰糖　　　　　１小块
雞湯　　　　　２００ＭＬ


今次我用左STAUB 24CM ROUND！

１。首先將已改凍的牛肋條加入蔥同薑出一出水。。。。

２。之後再凍油落入個煲到，　再等ｄ油熱時就可以放洋蔥落去炒，　炒到金黃時就加入番茄，紅蘿蔔，西芹一斎炒一陣，就可以加入牛肋條同調味料一斎炆。。

３。　記得ｄ水一定要蓋過所有的材料，之後加蓋以中大火炆佢１０分鐘左右就轉細火再炆佢一鐘就ｏｋ啦！

４。關火後緊記唔好開蓋，　有得佢焗，直到個煲冇晒火，

５。等食時再加熱同試一試味，如果覺得唔夠咸就可以再加小小生抽，但如果唔想太多汁，就可以加少少生粉水落，令個汁結ｄ。。。。。真的好好味啊



大家記得唔好將多出來的汁倒左佢，因為Ｄ汁係濃宿左的羅送湯，　所以只要少少水同調味理，一個烏冬同Ｄ魚蛋就可以变成好好味的湯烏冬啦。。。。。。。　

野菜餃子~~~~~

 大家會唔會好似我突然間好想食某D野咁呢, 前幾日我經過某間好出名的水餃店突然間好想食餃子啊, 見到佢D 價錢真的嚇左一跳, 我冇記錯係未煮熟地餃子12只$30-$35到. 但以我家豆爸的食量,真的唔知要幾多打好, (大家見佢的身型就可諗到啦)WAHAHA....所以我都係自己買材返屋企整算啦, 起碼保證所以材料係新鮮而且價錢仲平好多,HEHE.....

材料方面: 餃子皮一斤$13, 多瘦少肥的豬腩肉$35, 中SIZE的野   菜一個$5, 中芹2棵 $2,蔥2棵,蛋白一只..........

 

 

 醃料方面:將豬腩肉加入盐1茶匙, 糖1茶匙, 生抽1.5茶匙, 普寧豆醬1.5茶匙, 薑汁同麻油少少再撈咪一齐再醃佢2個鐘到....

之後將野菜切成2邊洗好後就用刨絲器將佢刨成碎, 再搾干水份就可以放入已醃好的豬腩肉到.....

跟住我會再將加入剩下的材料就係中芹粒同蔥粒同蛋白再撈一次同試一次味,如果覺得唔夠咸可以再加少少盐就可以開始包餃子啦..........

通常我會買圓形的餃子皮多, 因為包起來比較好包而且食時又唔會大,再將包好的餃子排好係蒸碟上, 但記得放少少生粉係碟上, 咁D餃子就唔會太易破的......

 

如果你諗住即食的話我覺得用水煮熟就最好味的,因為可以保持豬肉的質量同比較JUICE的, 但如果你想用來煎的話我就建議將包好餃子蒸好後再煎,咁D皮會好脆家啦.............

 

依盒就係我的煎餃子LUNCH LA.....

 

南乳炸雞翼

 

 炸雞翼個個都愛食, 但要炸到佢外脆內嫩的話, 真的需要一D技巧, 所以我今日同大家分享依好好味的小食, 真的什麼場合的用到佢的.........

 

 

而材料方面有: 雞翼2磅, 生抽1湯匙, 糖2茶匙, 南乳2磚, 跟住將所以有的材料同雞翼混合咪一齐, 再試味, 因為南乳都比較咸的, 所以我冇再落盐的. 之後放入雪櫃醃佢一晚,系炸之前先再加入半杯的生粉同2湯匙的面粉, 就可以開始啦......

今次我用左LC的MARMITE煱, 但大家記住一定要凍煱落油, 然後慢慢咁等佢熱, 要熱到見有油紋為止, 真的唔心急, 因為要油溫夠熱先可以做到外脆內嫩好Juice的後果的

之後就可以快手將所有的雞翼一只一只的放入個煱到炸, 一炸一路留意下佢雞翼的顏色, 當D雞翼変成金黃色就開始OK啦, 大約10分鐘就可以將所以雞翼撈起, 再放大火, 把所有雞翼再放入個煱炸1-2分鐘就OK LA......

希望大家都鐘意啦...........

 

南乳花生蓮藕炆五花腩

不知不覺已經立秋左啦. 所以係街市都可以見到好多好靚的蓮藕,蓮子買,如果鐘意食蓮藕的你真的唔好錯過依段時間啦......

依道菜係我屋企真的好少機會會出現, 因為我家豆爸同工人姐姐都唔食豬肉, 所以冇嘜動力去食煮依個餸,但因為豆婆婆去左外國渡假, 所以我依個家姐仔一有時間就返去娘家睇下個細佬妹同煮D好野佢地食,HEHE................

南乳花生蓮藕炆五花腩真的難,五花腩一块$25, 蓮藕$10, 冰糖一粒, 花生$2, 南乳1.5磚,首先將豬肉洗好切成一块块大約2-3Cm厚, 花生洗好同刀輕輕拍一拍等佢易D淋, 南乳將成乳溶, 而蓮藕方面就將皮擦左佢, 再拍成一块赽.....

大家記得用刀仔擦佢蓮藕皮就OK , 因為依個做法係最快最乾淨的

燒熱鍋後, 將五花腩煎一煎, 大約金黃色就可以加南乳一齐再炒一炒, 跟加水, 花生,冰糖, 生抽1湯匙, 老抽1湯匙加蓋炆佢30分鐘到, 之後加咪蓮藕再炆佢30分鐘, 最後再試一試味就OK ,真的一道好好佐飯的餸..

鐘意街市的我又點放D新鮮的海鮮呢, 休魚期後D花蟹又平又靚, 簡簡單單拾左佢就可以完完全全的感受佢的鮮同甜,真的好正啊...

仲有子薑炒雞....

蝦米粉絲煮節瓜

虾醬炒通菜

鼓蕉蔥炒蜆,真的好好味啊.........

 

潮式炒薄殼

 

好開心啊,冇意中竟然俾我係街市見薄殼啊......如果你係潮州(自己人)的話一定會食過, 我記得細時食依種貝殼時都會同妹妹們搶住食, 睇下邊個面前堆積家殼有幾高, 因為依個貝殼好多殼, 蜆肉比較細, 但就十份鮮甜, 真的好好味啊....................

我買左一斤, 賣海鮮的檔主都好好搭咪D薄荷俾我, 真的太好啦, 因為正中的食法就蒜泥, 指天椒粒同小小魚露, 盐同薄荷去炒的....買返的薄殼真的要花D功夫去洗, 因為真的需要足粒呎粒咁從一串串的麻繩甩出來,再洗下佢., 但緊記要快D炒, 如果唔係就好易壞的....

見到D九菜花咁靚, 我又忍唔住買左2扎來炒虾皮,真的好好味....大家可以試下...

仲有潮式薑蔥炒蟹.......

原本諗住買D蜆來煮冬菜勝瓜粉絲的, 但返到屋企先知家中冇粉絲, 所以為有用D甜麵鼓炒, 但又出奇地好味.....

又清清蒸半條馬友魚俾豆豆B食.....

 

 

 

潮式炒薄殼

 

         薄殼                     一斤

         新鮮的薄荷         二棵

         盐                         少少

         魚露                     少少

       魚露                 一條

             蒜頭                                4辨

 

 

做法: 將買返來的薄殼從一串串的麻繩中甩出來,再洗下佢, 跟住燒紅個煱落油, 炒香蒜頭, 但炒到有少少蒜香味就可以落薄殼一齐炒, 再加埋盐,魚露,魚露一齐炒, 如果你見D薄殼已經開晒口時就熟啦, 最後加咪D薄荷炒二下就OK 啦...............

 

 

 

 

 

 

 

藍象牌的青咖哩雞

藍象牌的咖哩包近日係香港真的好HIT啊,不過唔係咁易買到同比較貴, 所以好多謝好友係佢朋友去泰國旅行時都不忘幫我搭單買左幾種不同口味的咖哩包我試, 真的一試難忘啊, 如果大家有機會泰國玩都買來試下啊........

材料方面如圖：香矛一支, 檸檬葉數片, 雞一只, 泰國茄子一包, 椰漿一包, 藍象牌青咖哩 一包

做法:開鍋落油將干蔥爆香跟住加入青咖哩 一包，再加入１/２份的椰漿，　炒到咖哩漿同椰混合，再慢慢加雞件，　等每一件都沾上汁時就可以加咪茄子，香矛同檸檬葉數片，之後再加少少魚露，　糖就可以上蓋去炆佢一陣，而火力中少就OK LA, 但記得不用加水，　因為雞會出水，等ｄ雞熟時就可以加咪剩的1/2包椰漿就OK LA,真的係一味好好佐飯的餸

仲有又脆又甜的蒜泥炒野菜。。。

惠洲梅菜蒸魚，其實我主要想食梅菜多過魚囉，WAHAHA...........

真的一餐簡單又好味的晚餐呢。。。。

蝦醬煎雞翼

上個星期六一家人去左大澳一日遊, 真的好幾年冇去過啦. 但個度古色古香的景色依然存在, 我地食下行下真係一個好好的郊遊節目,相信大家都知大澳出名的就係蝦醬, 當然我依師奶仔亦唔會錯過買來試下啦, 真的唔講唔知, 原來蝦醬同蝦磚的用法係不同地, 蝦醬多數要來炒菜同炆豬肉因為比較易溶於食材中, 而蝦磚就來蒸用多, 因為蒸完仲可以挾到一块块的蝦醬所以味道比較濃D香D, HEHE.................

 

我已經諗左好幾個方法用來煮佢的. 不過第一道就係簡單又易整的蝦醬煎雞翼, 估唔到味道真的好夾, 但記得要襯熱食,因為凍左,蝦醬會变得有少少鞋.......

材料:

雞翼            14只/ 一磅到

蝦磚            1.5茶匙/ 將佢整碎

糖                1茶匙

生抽            適量

生粉            2 湯匙

 

作法將已解雪的雞翼洗淨用廚紙抹乾, 之後加蝦磚,糖,生抽放入雪櫃醃過夜, 係煎之前先加入生粉撈混, 再用PAN煎熟就OK LA

  

 

鮮竹筍冬茹雞煲....

 

每年清明節前後都係竹筍同青梅的當造時候, 所以大家都食靚的竹筍同浸好飲的梅酒就真的唔好錯過啦.......

 

雞一只切件, 再加入適量的生抽, 糖, 盐, 生炒醃半小時備用...

新鮮的竹筍一件, SIZE的大小自己決定, 之後撕去D皮, 哈哈...今次我買左一個中SIZE. 去皮後得咁多的, 但真的好新鮮, 因為係白雪雪的, 之後切成一條條OR一片片備用...

冬茹10只到, 浸軟後加少少糖同生油醃下....

油熱鍋後加入洋蔥炒到D洋蔥有少少変色就加入雞件一齐炒, 炒到D雞兩邊変左色時就可以加入2杯水, 冬茹, 竹筍, 海鮮醬1湯匙, 生抽1湯匙, 蠔油一湯匙, 少少糖一齐去炆啦...

大概用中小火炆佢20分鐘到, 見D雞熟就可以上碟啦...真係一味好好送飯的餸

今日仲整咪欖菜炒4季豆, 出面食一定係用豬肉炒的,但因為我家豆爸係唔食豬肉的,所以我將改為雞肉, 一樣好好味的

材料: 雞柳3條切碎加入生抽, 盐, 糖, 生粉醃一陣, 4季豆洗淨,切條, 欖菜1.5湯匙 ..

先將用干蔥起鍋之後加雞肉碎炒熟,兜起,之後再加少少油炒4季豆之後加少少水同盐再焗至有少少淋身同收晒水, 之後就可以加入已熟的雞肉同欖菜大炒, 再試夠唔夠咸, 如果唔夠再落少少生抽就ok la......我自己好鐘意依個餸

開飯啦..............

炒三絲

近日好多朋友仔同我講, 豆媽不如每日寫一個食譜等我地學下......HEHE,講真教就唔膽當啦, 不過我都好樂意同大家一斎分享野食的樂趣,今日我就整左個炒三絲,係我眼中所謂的三絲就係將家中餘有的食材変成一道易整又好美味菜.......

材料方面: 雞脾菇一只, 雞柳三條(用生抽, 糖, 少少盐, 生粉醃十分鐘)  金筍一條,台灣淡口炸菜半個(亦可以用包裝好炸藥絲),

薑適量,記得將所以的材料都切絲......

開鍋落少少油, 油熱左後就下薑同炒炸菜, 因為炸菜本身帶有的咸味比較重, 所以我會落少少糖去令佢冇咁咸, 之後分別將雞脾菇同金筍炒熟就OK

 

最後先炒雞肉, 當D雞肉熟時就可以加埋之前炒好左的其他配材再大炒,再加多少少生抽, 蠔油同糖就完成.

近日見街市有好靚的蒜心賣, 雖然$20一扎有D貴, 但為左過下口引就買左一扎來炒豬肉, 味道真的好好味, 大家不妨買來試,........

 

是晚仲有豆豆最愛的薑蔥蒸黃腳立魚......

簡單版鹵水牛展同鹵水蛋

近日大家的話題都離不開儲萬寧印花換STAUB煲,今日我就襯下熱鬧拎左我其中一個寶貝STAUB 24CM整左個好好味的簡單版鹵水牛展, 包你一家大細都鐘意,hehe............

已解凍的牛展一PACK

之後放內已經加凍水, 薑, 蔥的煲內面出一出水,之後再用凍水沖一沖佢,但緊記一定要凍水時放牛展落去出水........

而香料方面就如圖, 干蔥頭4粒, 薑2-3片,蔥3棵將佢打個結, 冰糖一大粒, 香葉6-7片, 八角4粒, 桂皮少少同花椒一湯匙...

開爐後加少少油落下, 之後落干蔥頭同薑爆香後再加其他香料,除左蔥外.之後加一杯鹵水汁,一杯生抽, 一杯老抽, 二杯水, 滾起之後可以試下味道,如果唔夠咸可以加多少少生抽的,最後加蓋用慢火炆1.5個鐘關火, 有得佢焗一晚, 第2日早上再開火炆佢半佢20鐘意到加咪已煮熟的雞蛋落去浸, 到左晚上返來就有得食又香又淋的鹵水牛展同鹵水蛋啦....................

睇下係唔係唔好正呢, 因為我比較鐘意食蒜頭, 所以我用少少蒜泥加少少鹵水汁同麻油撈咪之後淋係牛展的面到就OK LA

已經浸左一日的雞蛋真的非常入味,正.............

是晚仲應豆爸的要求用左LC 32CM的MAMI鍋炸左個手指魚俾佢, 真的諗唔到炸非常之脆又好味, 以後可以試多D唔同的炸食物啦.....................

仲有煮俾我寶貝豆豆的紅紅燒黃花魚....

同好野味的腐乳炒生菜,真的飽到不得了........