每年相約咳嗽的日子又到了, 真的好怕咳, 因為一咳開就好長手尾, 今次足足咳左我半個月有多, 睇左5次醫生又打左3支針,蒸左4次川貝,飲左3次鱷魚湯, 仍然未斷尾,而且食西藥個口苦晒, 個身體好似得返個殼咁, 對什麼事都不起勁, 見今日個人有返少少精神,真的lala淋淋煲個湯飲下亦為家人增強免疫力,HEHE...........
上個星期日同豆豆去左錦田俱樂部摘草莓, 順便買左有機的野菜加紅菜頭,唔講唔知, 原來紅菜頭係咁有益的, 所以用來配搭蕃茄薯仔瘦肉紅衫魚就最好不過啦....
買來一大斤新鮮的紅衫魚, 煲完D湯真的甜到不得了...................
今日仲為我新敗的LE CREUREST 32CM MAMI鍋開光, 真的靚到煮起野來都有心機呢.............................
油熱左後加薑再落魚慢慢煎香2邊,之後慢慢加熱水落去, 但大家緊記,落水時要慢慢加, 不要一下子落晒水落, 因為咁KEEP住鍋處於好熱的壯況下. D魚的鮮味就易逼出來, 咁D湯就更加有魚香味.........
睇下,我加左少少水後. 等佢滾起後,我先又再加水,等佢KEEP住滾左10MINS到,先再加大量的水同其他配料
之後加蓋調細火煮佢1鐘頭到,關火由得佢慢慢焗, 因為依個鍋的熱力係可以LAST的好耐的, 所以就由得佢慢慢地変得更味...................
睇下依碗色香味俱全的靘湯真的甜到不了, 連盐都不用落,真的原汁原味的,HEHE........
沒有留言:
張貼留言