雷橋光燒肉

因為老公DAY OFF的原固所以放低豆豆小魔鬼, 只係我同表妹兩個人去食下飯SHOPPING 下, 今晚我地去左之前左買左團購的雷橋食自肋餐...依家野的燈光好柔和俾我的感覺好舒服,而且D野食質數OK, 又唔會成日漏單, 事關我好怕D餐廳成日漏單, 搞好耐都食唔到一碟野

一坐低佢地已經為準備左一碟牛併客人, 真的好好呀, 等我地可以一邊下ORDER, 一邊燒住食..


第2轉燒左豬併盆, 5花豬正, 入口即溶

依個就係牛併盆啦,仲有一口肋肉, 但已燒緊中,所以冇影唔到

再來海鮮,魷魚酥好正,我好似叫左3轉.WAHAHA....

刺身唔錯,都幾鮮....
其實仲有好多其他野的, 忘記左影....哈哈..
因為太飽啦, 所以我地再行左成個鐘頭街SHOPPING，太滿足的一天

好開心同曦曦哥哥聚一聚

每逢假期的時間就係我豆媽変得更加忙的時間, 因為我要同豆豆周圍去玩, 周圍去食...哈哈
冇法啦, 因為我係在職媽媽, 真的只有晚上幾個鐘頭陪佢玩.....但內心總係覺得陪佢的時間唔夠,所以一到假期必定去玩, 而今日我地約左曦曦哥哥係沙田市中心食個TEA再返屋企整COOKIES.........

豆豆一見曦曦哥哥就好熱情同好Friend 咁影相，仲要擺出小鳥依人的pose, 真的笑到我地。　

依個２個小朋友仲一路拉手行左成20mins，好似好怕失散咁，希望你地可以keep 住依份友誼直到大個，　好似我同曦曦哥哥ＭＡＭＡ咁。

返到屋企我就快快手整好個cookies 的麵團放左入雪櫃雪一個鐘，雪其間去買個送，　返來就可以開始整親子cookies la ,

可能豆豆係女仔的關係啦，佢真的好enjoy 整cookies的過程，樣樣野都要自己試自己整,mami都希望你keep有依份好學的心，怪獸家長心態又來啦。。。。。。

大家一斎look平左麵團就可以用餅模CUT 出自己鐘意的樣，幾快已經可以拎去焗啦。。。。

180度預熱20分鐘就可以放整好的cookies 模入去焗啦。以下就係焗左１５－２０分鍾後的成果。　係唔係好靚呢。。。。。。。。

依個豆豆豬同Roeky來個豬嘴合照先，　再食整好的cookies

整好cookies後，　我同工人姐姐就快快手整好左好味又簡單的晚餐啦。。。

開心簡單的一天，晚上訓前我問豆豆今日好唔好玩，佢仲好開心答我好好玩啊。。。
cookies 食譜後補啊。。。

好珍貴的親子時間

每晚食完飯後都係我地的親子時間, 可能豆豆係女仔的關係啦, 佢多數都要我地陪佢 DANCING,仲有大家手拖手轉圈,見到佢玩到哈哈大笑. 我地都好開心 

今晚佢話要畫畫,所以我地又一斎畫,其實我都好like同佢畫畫, 因為不但可以鍛鍊佢的專注力同時都可以俾佢認下d 顏色, 因為2月3個豆豆對顏色唔係好識, 所以我地係生活上時時教佢.加油豆豆!

玩完當然要佢自己 CLEAR UP, 因為要佢養成依習慣，雖然依樣野都好睇佢的心情，因為佢暫時都唔係次次做到，所以我地盡量鼓勵佢去做。。

依個小妮子玩畫畫再玩毛公仔，嚴格來講佢唔係玩，只係將ｄ公仔掉落地跟住自己坐落下，我問佢做緊嘜野啊，佢竟然問我要唔要ICE CREAM 同幾多＄，原來佢扮緊賣 ICE CREAM ，小朋友的創意真的冇限同唔係人人諗到的。ｈｅｈｅ。。。

哈哈。。。話口未完依個小妮子玩完一輪真的唔願CLEAR UP, Mami為有出法寶啦，　就係我手上的米妮啦，仲要轉咪米妮聲調，
MAMI: HIHI,我叫米妮啊，你叫什麼名
豆豆：我叫周子晴
MAMI: how old are you
豆豆: TWO
MAMI: 你mami話你好乖,不如一斎CLEAR UP好嗎, 我想你幫下手啊,
豆豆:好呀！　

就係依個角色的扮影，令佢好快CLEAR UP好晒的玩具，HEHE..

之後佢又話學我放只手入做動做同我傾訴。。豆豆你太可愛啦。。。。

哈哈。。。又到日日都做的刷牙時間，豆豆好LIKE 我地同佢一斎做，因為佢依個年齡真的好鐘意模仿大人，佢覺得自己做到大人做的事，就會話豆豆好叻啊。。（刷牙都要擺POSE，哈哈。。。）

睇下佢幾專心刷牙。。。。佢總於學識左POO d 水出來，叻叻

自己揸干ｄ毛巾水，最後當然要MAMI幫手啦，佢一路同我講，豆豆自己整，豆豆自己整。。。

自己洗面。。。突然間覺得個女大個左好多咁。　豆豆要計續努力做好自己應做的事啊.....................

 

後記：豆豆一路CLEAR UP 畫筆時, 一路扮畫只眼,仲問我靚唔靚, 原本佢學緊我平日化妝畫眼線,真的囧左, 但都係同佢講依d係畫筆唔可以整眼睛的

薑汁唐芹野菜豬肉餃子

夏天我好鍾意整下餃子, 麵類家野食, 一來方便, 二來食得舒服不會太油, 所以今日整左個好好味的餃子, 連我家24個月的豆豆小姐都可以一次過依左8只, 真的嚇倒我, HEHE.......

我買左$30半肥瘦豬肉加上, 少少鹽,糖, 生粉, 生抽, 麻油,薑汁同豆醫醃下佢
$3唐芹CUT到細細柆

一個野菜, 大約一斤到, 先出一出水 跟住又係CUT到好細再拎干水份, 就可以加落個豬到..

當所有CUT好晒就同D豬肉撈咪一斎, 跟住再試下味, 如果唔多咸可以再加少少生抽.....

再放包好餃子的碟上少少生粉, 咁樣唔會令餃子咁易爤,............

睇下....快好就包左一盆啦....................大家見唔見豆豆只肥手啊,因為佢都有幫手的...HEHE.............

記住要水滾先好放餃子落下煮..煮到10分鐘, D餃子就會浮上來., 因為已經熟啦........................

睇下D餃子幾靚............依碟野真的俾我同豆豆KO左...我地以大食.........

泰式雞翼

前幾排行過灣仔街市的泰國雜貨店買左一包泰式香包，一心諗住整咖喱的，但因為太忙的關係所以一路放左係度，見雪櫃有包雞翼就整左佢啦，好易整的，大家可以試，　味道好幾的。

我只用一支矛，４片檸檬葉，少少南薑，適量的魚露，生抽同糖就OK LA, 大家可以試下味, 唔夠味可以再加少少魚露,跟住放入雪櫃雪一晚, 第2日同PAN煎左佢就OK LA
食時加咪泰式辣醬就good good good la

依個酸薑係我上年整落的，有時冇嘜送食時加２只皮蛋就可以家啦。。。。。。。。。懶人

依家雜菜更加係見雪櫃有什麼菜就煮什麼菜再加Ｄ虾米同粉絲又一個簡單好味家送。。。。

為豆爸煮左一餐滿足的晚餐

星期一晚訓訓下豆爸突然同我講明天我想食FISH FINGER, 為左我依個大細佬豆爸,為有身第2日急急食完午飯帶住我依個靚靚保冷KITTY 去街市啦....

拎住依袋買送, 人都開心d,所以買左滿滿的一袋為父女們煮正野....

今日豆媽買依條靚靚圍裙, 心情都特別靚呢...

豆豆依2日唔知做嘜野, 冇啦啦發高燒,但又鬼咁精神, 所以我都冇咁擔心, 所以佢病左但都冇影響佢好奇活潑的一面,因為佢話要幫mama煮野俾豆爸食,睇下佢幾專心, 其實我好like依d親子活動,令佢的生活変得更加有活力.....

因為過左休魚期的關係, 街市的海鮮真的平左好多啊, 見d蟹咁靚緊係要買返d整花雕蛋白蒸花蟹啦,
豆豆幫我整緊雞蛋期間,我就快快手將d蟹清潔同折好

 睇下,蒸好左的花蟹幾正, d蛋白真的好滑好好味 ,(付食譜)

因為蒸蟹有酒唔啱小朋友食, 所以我特意為豆豆整潮式凍蟹俾佢撈飯, 食到佢話YUMMY YUMMY !

依個手撕雞係外買的, 因為之前厚興瑜記做團購,所以買來試下, 味道唔錯, 好有雞味, 可以再試.

依個就係今晚豆爸特別order 的, 其實我真的好少買依d野食,因為覺得佢冇嘜益,而且又要開油炸, 所以少食少食,但左豆爸歡心, 為有滿足下佢啦...,連豆豆都搶住要食...真的係為食倆父女.
忘記左影蒜頭少野菜....

雕蛋白蒸花蟹....
花蟹    2-3只,

蛋白 3隻

調味：

水 100ml

雞粉 1茶匙

花雕酒 4湯匙

鹽  &胡椒   適量

 

製法：

1） 花蟹劏好清淨,以4湯匙花雕酒,適量胡椒同鹽醃 15分鐘.

2） 然後大火蒸約8分鐘至7成熟

3） 混和蛋白、水、 雞粉及鹽備用

4） 將(3)的蛋白汁，混和已蒸有7成熟蟹，再用保鮮紙包好碟，蒸10分鐘,便成

 

竹蔗茅根紅蘿蔔馬蹄水

 近日豆豆有便秘的問題, 要成2-3日先可以去到一次POOPOO, 而且次次都去POOPOO哭晒,因為佢好驚又太用力, 搞到次次都有血,見佢咁辛苦咁POOPOO, 我真的心痛, 所以煲左竹蔗茅根紅蘿蔔馬蹄水, 希望有助改善同時間亦加多佢食菜同水果的份量......

煲左2個鍾後的滋潤糖水, 真的好啱一家大細一斎飲

2YRS豆豆已經好貪靚好靚,每次同佢換左靚衫,佢一定9秒9跑鏡面前POST一輪, 仲會問我地, 我靚唔靚啊, 因為成日都話自己係公主.....


WAHAHA.......我只係入左廚房一陣,出來已經見個女変成咁,一定豆爸的傑作啦..豆豆仲問我靚唔靚, 真的笑死我啦!

竹蔗茅根紅蘿蔔馬蹄水竹蔗   一扎
茅根   一扎(不易太多,因為比較寒涼)
紅蘿蔔   一支, (記得買有泥個 )
馬蹄 一包
冰糖 適量 ( 因應自己喜好甜度去加or減）
　　　　
水　　　　　　１２００ｍｌ

所有材料放入個湯煲到煲1.5-２個鍾到就ok la , 跟住拎走d竹蔗茅根再加冰糖完成!