野菜餃子~~~~~

 大家會唔會好似我突然間好想食某D野咁呢, 前幾日我經過某間好出名的水餃店突然間好想食餃子啊, 見到佢D 價錢真的嚇左一跳, 我冇記錯係未煮熟地餃子12只$30-$35到. 但以我家豆爸的食量,真的唔知要幾多打好, (大家見佢的身型就可諗到啦)WAHAHA....所以我都係自己買材返屋企整算啦, 起碼保證所以材料係新鮮而且價錢仲平好多,HEHE.....

材料方面: 餃子皮一斤$13, 多瘦少肥的豬腩肉$35, 中SIZE的野   菜一個$5, 中芹2棵 $2,蔥2棵,蛋白一只..........

 

 

 醃料方面:將豬腩肉加入盐1茶匙, 糖1茶匙, 生抽1.5茶匙, 普寧豆醬1.5茶匙, 薑汁同麻油少少再撈咪一齐再醃佢2個鐘到....

之後將野菜切成2邊洗好後就用刨絲器將佢刨成碎, 再搾干水份就可以放入已醃好的豬腩肉到.....

跟住我會再將加入剩下的材料就係中芹粒同蔥粒同蛋白再撈一次同試一次味,如果覺得唔夠咸可以再加少少盐就可以開始包餃子啦..........

通常我會買圓形的餃子皮多, 因為包起來比較好包而且食時又唔會大,再將包好的餃子排好係蒸碟上, 但記得放少少生粉係碟上, 咁D餃子就唔會太易破的......

 

如果你諗住即食的話我覺得用水煮熟就最好味的,因為可以保持豬肉的質量同比較JUICE的, 但如果你想用來煎的話我就建議將包好餃子蒸好後再煎,咁D皮會好脆家啦.............

 

依盒就係我的煎餃子LUNCH LA.....

 

南乳炸雞翼

 

 炸雞翼個個都愛食, 但要炸到佢外脆內嫩的話, 真的需要一D技巧, 所以我今日同大家分享依好好味的小食, 真的什麼場合的用到佢的.........

 

 

而材料方面有: 雞翼2磅, 生抽1湯匙, 糖2茶匙, 南乳2磚, 跟住將所以有的材料同雞翼混合咪一齐, 再試味, 因為南乳都比較咸的, 所以我冇再落盐的. 之後放入雪櫃醃佢一晚,系炸之前先再加入半杯的生粉同2湯匙的面粉, 就可以開始啦......

今次我用左LC的MARMITE煱, 但大家記住一定要凍煱落油, 然後慢慢咁等佢熱, 要熱到見有油紋為止, 真的唔心急, 因為要油溫夠熱先可以做到外脆內嫩好Juice的後果的

之後就可以快手將所有的雞翼一只一只的放入個煱到炸, 一炸一路留意下佢雞翼的顏色, 當D雞翼変成金黃色就開始OK啦, 大約10分鐘就可以將所以雞翼撈起, 再放大火, 把所有雞翼再放入個煱炸1-2分鐘就OK LA......

希望大家都鐘意啦...........

 

「Q嘜親子廚神大賽2014」

好開心啊,今次得到香港優質標誌局（簡稱：Q嘜)舉行的第三屆「Q嘜親子廚神大賽」的評判, 未出席時已經好興奮,因為平同豆豆一斎煮野就煮得多, 今次仲可以一斎擔任評判, 所以心情特別的緊心同期待, 更加希望透過依個活動去鼓勵更多家長參加多D親子的互動機會從而建立互相之間好更的關係........

 

豆豆手拎住的就係今日平分個表啦, 一陣我地會按照參賽者的合拍性同食物的賣相樣去選出今日的冠軍的....

豆豆豬仲話要整個搞笑樣同參賽者打氣, 加油,加油.....................

Q嘜仲請來美國著名烹飪節目主持人MR.Martin Yan來做評判, 大家一見到佢係唔係就會諗"YAN CAN COOK" 個節目呢, 我細個時都成日睇佢煮野食, 但估唔到今日可以同佢出席同一個EVENT, 佢個樣真的十年如一日,而且仲SUPER NICE, 豆豆一行前出佢就一手抱住豆豆同我地合照啦。。。

參賽者亦各就位啦。。。大家著上廚師衫後真的好醒目啊。。。。。

是次的主題就大家要把大會提供的材料凡造出可愛的造型，當然要睇咪媽咪同小朋友的合拍度啦。。。大家睇下佢地幾投入，而係台下的我亦為佢地緊張。。。

由過一輪緊張的比賽後，總於有結果啦，而「最合拍親子組合」就係由Chef 02 匡匡豬同媽媽奪得

 

而「最佳賣相獎」同「Q嘜親子廚神大賽 2014」由Chef 20嵐嵐同媽媽成為今屆雙料冠軍！

最後大家仲來一個大合照去結束今日咁開心又緊張的活動。。。。

相信沒有得獎的其他參賽者亦唔會失落，　因為佢地已經得到一次寶貴的機會同贏左家人同現場朋友的支持，　如果大家想知道多Ｄ有關Q嘜的資訊同update 的活動就真的要留意佢地的網址：http://form.redasia.com.hk/qmarkchef2014/，　希望我同你都成為下個活動參賽者啦。。。。。。。

南乳花生蓮藕炆五花腩

不知不覺已經立秋左啦. 所以係街市都可以見到好多好靚的蓮藕,蓮子買,如果鐘意食蓮藕的你真的唔好錯過依段時間啦......

依道菜係我屋企真的好少機會會出現, 因為我家豆爸同工人姐姐都唔食豬肉, 所以冇嘜動力去食煮依個餸,但因為豆婆婆去左外國渡假, 所以我依個家姐仔一有時間就返去娘家睇下個細佬妹同煮D好野佢地食,HEHE................

南乳花生蓮藕炆五花腩真的難,五花腩一块$25, 蓮藕$10, 冰糖一粒, 花生$2, 南乳1.5磚,首先將豬肉洗好切成一块块大約2-3Cm厚, 花生洗好同刀輕輕拍一拍等佢易D淋, 南乳將成乳溶, 而蓮藕方面就將皮擦左佢, 再拍成一块赽.....

大家記得用刀仔擦佢蓮藕皮就OK , 因為依個做法係最快最乾淨的

燒熱鍋後, 將五花腩煎一煎, 大約金黃色就可以加南乳一齐再炒一炒, 跟加水, 花生,冰糖, 生抽1湯匙, 老抽1湯匙加蓋炆佢30分鐘到, 之後加咪蓮藕再炆佢30分鐘, 最後再試一試味就OK ,真的一道好好佐飯的餸..

鐘意街市的我又點放D新鮮的海鮮呢, 休魚期後D花蟹又平又靚, 簡簡單單拾左佢就可以完完全全的感受佢的鮮同甜,真的好正啊...

仲有子薑炒雞....

蝦米粉絲煮節瓜

虾醬炒通菜

鼓蕉蔥炒蜆,真的好好味啊.........

 

早茶@蓮香樓

暑假期間豆豆多左係爺爺嫲嫲家SLEEP OVER, 因為有位鍚到佢燶的叔叔陪佢顛, 每次都玩佢E娃鬼叫咁,豆豆真的係一粒幸運豆, 因為真的有太人錫個豬豬啦........

 

 

星期六早上嫲嫲, 爸爸同叔叔都要返工, 我同豆豆就陪爺爺去蓮香樓飲茶氹佢老人家開心, 因為爺爺成日都好想帶豆豆豬去佢舊時去過的地方, 睇下爺爺有孫萬事足個樣就知幾咁開心啦.......

入到酒樓已經俾舊時的餅紙盒吸引住我啦.....真的好特別,顏色又鮮艷,喜慶的感覺真的好重.....

仲有一個個掛住的竹籃, 唔知係唔係來裝果蒸糭家呢...我都係第一次見到的

除左擺設特別外, 連佢其中野都好特別, 因為依度係自己等位, 冇得拎籌的,真的好似返返去自己細時去酒樓飲茶的情況, 

而從每一位市應手勢同年齡就可以知道佢地應該係依度工作好耐時間.........

仲要依度所以有點心都係推車仔的....每每有車仔從廚房出來, 大家都會好奇地想知道車上賣的係什麼點心, 所以大家都會一窩風上前睇下...真的好回味細時去酒樓飲茶的情境.....

 

爺爺好想食豬肚燒米, 可惜我地等左輪都冇出, 為有叫個普通燒米食住先...

仲有豆豆致愛的雞腳, 依度個雞腳係成只上的, 味道都唔錯的....

而虾腸我就過一般, 因為佢的拉的粉有D厚.所以口感不太啱我...

鴨腳雜同棉花雞都好好食....

 

食飽飽後就陪爺爺周圍行下....一話影相豆豆又即刻擺個靚POSE同爺爺合照, 果然係爺爺的甜心, HEHE.................

再同媽咪合影.....

跟住我地就返屋企就嫲嫲收工去街街啦...........................

 

潮式炒薄殼

 

好開心啊,冇意中竟然俾我係街市見薄殼啊......如果你係潮州(自己人)的話一定會食過, 我記得細時食依種貝殼時都會同妹妹們搶住食, 睇下邊個面前堆積家殼有幾高, 因為依個貝殼好多殼, 蜆肉比較細, 但就十份鮮甜, 真的好好味啊....................

我買左一斤, 賣海鮮的檔主都好好搭咪D薄荷俾我, 真的太好啦, 因為正中的食法就蒜泥, 指天椒粒同小小魚露, 盐同薄荷去炒的....買返的薄殼真的要花D功夫去洗, 因為真的需要足粒呎粒咁從一串串的麻繩甩出來,再洗下佢., 但緊記要快D炒, 如果唔係就好易壞的....

見到D九菜花咁靚, 我又忍唔住買左2扎來炒虾皮,真的好好味....大家可以試下...

仲有潮式薑蔥炒蟹.......

原本諗住買D蜆來煮冬菜勝瓜粉絲的, 但返到屋企先知家中冇粉絲, 所以為有用D甜麵鼓炒, 但又出奇地好味.....

又清清蒸半條馬友魚俾豆豆B食.....

 

 

 

潮式炒薄殼

 

         薄殼                     一斤

         新鮮的薄荷         二棵

         盐                         少少

         魚露                     少少

       魚露                 一條

             蒜頭                                4辨

 

 

做法: 將買返來的薄殼從一串串的麻繩中甩出來,再洗下佢, 跟住燒紅個煱落油, 炒香蒜頭, 但炒到有少少蒜香味就可以落薄殼一齐炒, 再加埋盐,魚露,魚露一齐炒, 如果你見D薄殼已經開晒口時就熟啦, 最後加咪D薄荷炒二下就OK 啦...............