鮮竹筍冬茹雞煲....

 

每年清明節前後都係竹筍同青梅的當造時候, 所以大家都食靚的竹筍同浸好飲的梅酒就真的唔好錯過啦.......

 

雞一只切件, 再加入適量的生抽, 糖, 盐, 生炒醃半小時備用...

新鮮的竹筍一件, SIZE的大小自己決定, 之後撕去D皮, 哈哈...今次我買左一個中SIZE. 去皮後得咁多的, 但真的好新鮮, 因為係白雪雪的, 之後切成一條條OR一片片備用...

冬茹10只到, 浸軟後加少少糖同生油醃下....

油熱鍋後加入洋蔥炒到D洋蔥有少少変色就加入雞件一齐炒, 炒到D雞兩邊変左色時就可以加入2杯水, 冬茹, 竹筍, 海鮮醬1湯匙, 生抽1湯匙, 蠔油一湯匙, 少少糖一齐去炆啦...

大概用中小火炆佢20分鐘到, 見D雞熟就可以上碟啦...真係一味好好送飯的餸

今日仲整咪欖菜炒4季豆, 出面食一定係用豬肉炒的,但因為我家豆爸係唔食豬肉的,所以我將改為雞肉, 一樣好好味的

材料: 雞柳3條切碎加入生抽, 盐, 糖, 生粉醃一陣, 4季豆洗淨,切條, 欖菜1.5湯匙 ..

先將用干蔥起鍋之後加雞肉碎炒熟,兜起,之後再加少少油炒4季豆之後加少少水同盐再焗至有少少淋身同收晒水, 之後就可以加入已熟的雞肉同欖菜大炒, 再試夠唔夠咸, 如果唔夠再落少少生抽就ok la......我自己好鐘意依個餸

開飯啦..............