Guerlain Super Aqua Mask

咳左2月有多的我,真的食藥食到D皮膚冇晒光澤同好乾,連自己摸落下都覺得好"鞋",因為嚴重缺水到得了, 連返工化的淡妝都上唔到粉, 所以急急腳買左支Guerlain Super Aqua Mask補一補佢, 只需10分鐘, 皮膚真的有返水份同彈性,

大家睇到我未用之前個臉仔係唔係好乾呢, 而且起晒粒粒,自己見到都覺得好恐怖, 好在個幾日豆爸都返夜, 佢返來時我已經睡左,我第日早上起身返工時佢仲訓緊, 所以見唔到我依個殘樣,HEHE....講真的女人生左BB真的好易老, 無論身型同皮膚都好似不如從前, 而身邊個位仲可以KEEP住後生, 雖然佢地把口就唔介意我地变成點, 但試問下有邊個男人唔愛年輕的靚女呀,. 所以姐妹們真的唔好因為結左婚同生左小朋友就註定要做黃面婆, 反而我地努力係各方面KEEP好自己.....

只需輕輕敷一層 ,讓面膜停留在皮膚10分鐘就可以用清水洗淨 然後進行日常護膚程序, 依支Super Aqua Mask就係Guerlain的皇牌, 朋友話我知佢所有做空姐的朋友仔都用佢,咁就証明佢幾咁補濕啦, 我敷左唔夠5分鐘, 白色的Marks已經慢慢溶入我乾燥皮膚內層,而且感覺自己皮膚有返彈性同漲卜卜的

睇下我個臉仔係唔係靚左好多同漲卜卜呢,感覺好似年輕左, 又賺左啦....WAHAHA............

依支Guerlain的各大專櫃有售, 如果大家覺得皮膚需要急救時又或者想個妝貼D靚D時, 不妨試下用佢, 包你愛上佢呢....................