暑假活動之摸蜆日

係好耐之前已經聽D朋友仔話邊度邊度可以摸蜆好好玩,好正, 所以搞到我成日心思思想同豆豆去玩下, 俾佢見識多D海洋的生物同咪俾佢知道什麼係掘蜆,因為真的唔係太多機會會接觸到的活動, 所以上個星期已經約定豆豆契媽同表家一家人一齐去玩,HEHE.....................

藍天白雲的天空係唔係好靚呢,真的好多謝天公造美,因為只係係等車入去的時候落左一陣雨, 之後都係陰陰地天,係咁好環境下進行我地的活動, 大人小朋友都可以開開心心咁掘蜆, 真的太好啦..............

睇下我地幾勁, 摸左一陣就有收穫啦, 原來真的好興奮同會大叫的, 因為成日過程好似尋寶咁, 首先要走去左中, 水位大概係大脾個位置到, 之後就用的腳趾去掘D泥, 掘呀掘呀(小心腳趾抽筋WAKAKAKA)....如果你覺得有硬物時, 即係有收穫啦, 所以就要快D潛入水入面捉佢上來,真的要快, 因為佢好快會俾d浪衝走的,

HEHE...表哥同仔仔都有收穫啦...............

豆豆同HEIEHI哥哥都好努力係海邊掘蜆, 雖然佢地掘個D全部都BB蜆, 但每有收穫已經令依2位小朋友開心都不得了....

睇下豆豆個樣就知又有掘到蜆啦........佢地玩到成個小泥鴨咁, 但只要見到你地開心, 我地亦為你的開心而興奮....

唔知HEIHEI哥哥睇緊D嘜野, 個樣好認真呢..................

經過3個鐘的努力, 我地亦有不錯的成績, 真的好期待下次再去過

豆豆叫我影佢同D蜆蜆, 突然間覺得豆豆依個樣大個左好多, 已經再唔係BB啦....

媽媽都要同豆豆小公主來張合照,有時真的唔捨得你大得咁快!豆豆媽媽愛你...................

我仲整左簡單的鹽水煮蜆, 10分鐘就可以食到又鮮甜又好味的水煮蜆啦..

做法:水煮滖加入薑絲，加少少鹽同胡椒粉，再加入已洗好的蜆，　煮到佢開晒口關火就食得啦。。。。