藍象牌的青咖哩雞

藍象牌的咖哩包近日係香港真的好HIT啊,不過唔係咁易買到同比較貴, 所以好多謝好友係佢朋友去泰國旅行時都不忘幫我搭單買左幾種不同口味的咖哩包我試, 真的一試難忘啊, 如果大家有機會泰國玩都買來試下啊........

材料方面如圖：香矛一支, 檸檬葉數片, 雞一只, 泰國茄子一包, 椰漿一包, 藍象牌青咖哩 一包

做法:開鍋落油將干蔥爆香跟住加入青咖哩 一包，再加入１/２份的椰漿，　炒到咖哩漿同椰混合，再慢慢加雞件，　等每一件都沾上汁時就可以加咪茄子，香矛同檸檬葉數片，之後再加少少魚露，　糖就可以上蓋去炆佢一陣，而火力中少就OK LA, 但記得不用加水，　因為雞會出水，等ｄ雞熟時就可以加咪剩的1/2包椰漿就OK LA,真的係一味好好佐飯的餸

仲有又脆又甜的蒜泥炒野菜。。。

惠洲梅菜蒸魚，其實我主要想食梅菜多過魚囉，WAHAHA...........

真的一餐簡單又好味的晚餐呢。。。。

一個浪漫的星期二晚

哈哈....星期二早上一打開FACEBOOK 就不斷見到2052014依D數字, 初頭我都唔知係嘜東東來的, 但最來有人解釋後先知係"我愛你一世"請用通普話講一次啦, 可以係咁特別的日子同老公拍下拖睇下戲仲有花收,感覺真的好SWEET啊...

相信今次係我人生中一次比較特別的睇戲, 因為豆爸包左個埸同我睇戲, WAHAHA 係唔係好似D XX城個D有$人咁啊.....講笑啦...只係咁啱我地睇個埸得我地買票, 不過依度的服務同環境真的一流, 真的好啱情侶去.............

 

今次我地睇嘅係豆爸最愛的SPIDERMAN,去拎票時,我就問豆爸晒唔晒買爆谷同野飲啊, 因為依D係每次去睇戲必買的, 點知佢答我"我都唔食依D野的"WAHAH..依句說話出至佢個口真的好好笑....

係唔係好靚呢, 而且佢d 櫈係可以自己較高度, 真的坐得好舒服啊....

多謝豆爸送支咁靚花俾我, 真的好似返到拍拖的時代, 畢景我地都一齐走過11年的日子啦, 真的好多謝佢仲有依份心思, 感覺真的好幸福啊...

地方真的好舒適同大, 音響的效果真的超正, 所以佢票比較貴都係值的...

哈哈....唔怪之得豆爸扮晒野話唔食爆谷啦....原來係套戲開始的時候職員就會送上豆爸之前ORDER左的食物同野飲, 仲不斷地同我地講"ENJOY"但係咁浪漫的情況下豆爸爆句好好笑野就係"嘩咁黑, 點食啊, 完全睇唔到D食物"wahahaha....真的笑死我啦...

 

除左戲院的環境正之後,連廁所都好靚同乾淨, 但少少唔好就係冇分男女

但所有野都好整齊同乾淨, 依個係我做左媽媽後比較CARE的, 因為真的好怕同小朋友去D好污濁的洗手間...

原來E-MAX廣場有展覽, 所以我地又影下相啦........

睇完戲再去食野. 原本想食元氣,但佢已經收左鋪啦, 所以佢隔離另一間食日本野.. 食物都好新鮮同好味呢..........

係一個咁浪漫的晚上真的不得不同老公講一句"老公我愛你一世"HEHE....

麥當勞® 開心樂園餐® x Super Mario™ 博客主題聚餐

 

真的要再次多謝麥當勞/麥當勞公關公司邀請我同豆豆參加麥當勞®開心樂園餐® X Super Mario™ 博客主題聚餐，亦為落左個星期雨的心情找一點平衡, 因為真的過了一個好玩又開心的星期六, Super Mario都係算係我地依一代的集體回憶, 因為由GAME BOY 時代已經開始玩佢啦, 記得細時家中得一部GAME BOY, 所以5姐弟要輪住玩,而家中就長期KEEP住有"叮噹"叮噹", 好最好笑家係當聽到GAME OVER D聲音時, 下一個就會9秒9咁衝去接力, 真的好搞笑啊........

大家睇下會埸有晒 Super Mario™ 超級瑪利歐扭波波的佈置，真的令人興奮啊, 當然我亦我的寶貝介紹一下依位重量級人物啦及來一張合照先,HEHE.......... 

嘩......真的好靚啊.!如果你都想擁有佢地就真的唔好錯過來緊每個星期五麥當勞的 開心樂園餐啦. 因為每一個開心樂園餐都咐送一個玩具的, 而且每售出 「開心樂園餐」 一份， 香港麥當勞 將撥捐 港幣 一毫予「麥當勞叔之家慈善基金 ®」真的又得食有玩又做咪善事, 真的一舉幾得...

 

亦好多謝大會為我地安排左「1+2+3 餐牌」，即係豆豆次次去麥當勞都必選的「開心樂園套餐」，有得食又有得玩，作為媽媽的我亦好鐘意依個 「1+2+3 餐牌」，因為主餐、配餐同飲品都可以自己選擇，因為豆豆比較細個, 所以我都會以粟米杯代替薯條，飲品又可以選豆漿、高鈣低脂牛奶、荳奶、橙汁、熱朱古力、利賓立等, 睇下豆豆食得幾滋味....

 

食飽飽後我地開始整勞作啦!豆豆同我一齐努力地,油油油......

   係唔係好靚呢.............

嘩....主角"Super Mario"來啦........真的好高好大只啊,我同豆爸好似見到巨星咁, 不斷地尖叫..真的太興奮啦!

大會亦安排我地同Super Mario合照, 大家睇豆爸個樣笑到見牙唔見眼咁, 就知佢興奮的程度去到邊啦, 佢仲要求我幫佢同Super Mario影一張呢.....................

 

 

開心的時間過得特別快, 話咁快就完左我地的活動啦,所以大家再同Super Mario影多一張 

  

 

16/5 已經開始換依個有得玩又有印章的瑪利歐與終點旗杆。只要將瑪利歐向下推，紅色旗幟便會沿旗杆向上升，而打開底部揭蓋，瑪利歐頭像印章即現, 想要就快手啦,因為換完即止的

16/5 另一款是碧姬公主印章，打開底部揭蓋，向前推動著儀態萬千的碧姬公主，當碧姬公主向前移動時，更會留下由留下粉紅色印章組成的可愛足跡。

23/5 開始換的是瑪利歐與？磚塊，開動？磚塊開關，瑪利歐頂上？磚塊時發出獎勵的聲

效！叮叮叮...

30/5 開始換的是耀西，只要將耀西向後拉，牠便會快速向前進發。


30/5 另一款是瑪利歐與水管，先按下瑪利歐至綠色水管內，再將水管放置到棕色磚地上，用力一按，瑪利歐便會充滿力量地跳出來！

6/6 開始換的是回力標瑪利歐，按包裝上的指示，將回力標扣上瑪利歐的手上，將瑪利歐的手向後拉，回力標便會自動向前投出。

 

  13/6 開始換的是企鵝瑪利歐，將企鵝瑪利歐向後拉，他便會搖擺著向前走！

20/6 開始換的是火焰瑪利歐，按包裝上的指示，將「火焰瑪利歐」固定在圓形的磚地上，再把火焰球

放到指定位置。只要向前推「火焰

瑪利歐」，火焰球便會發射出來。

 

大家真的唔好錯過啊...

是次活動是應麥當勞/麥當勞公關公司邀請出席的

活動中所享用的食物及飲品、獲取的禮物及活動中的特別節目均是由麥當勞/麥當勞公關公司應是次活動特別安排予參加者的   

  

  

 

外遇

人大左接觸依2個字真的多, 每每朋友飯局中都離不開依個話題, 外遇就好似係婚姻中必上的一堂, 唔知今時今日的你又對外遇有什麼睇法呢,視佢為婚姻中的一個快餐定係為佢一個炸彈, 而且時時刻刻擔心佢會爆炸呢,無論你選擇前者OR後者, 相信大家都知道傷害的不僅你同你的伴侶,而係家中既可愛又可憐的小朋友.....老實講外遇并不是男人的專利, 女人想要都并唔係什麼困難的事, 但點解多數都發生男人身上呢, 係唔係佢地真的冇腦明知為左粒糖會輸左一間廠都會去做, 定係作為另一伴的你不知不覺間推佢入左依個試探呢, 因為大家都知道一只手掌係拍唔響的....所以大家一定努力為我地婚姻KEEP 住新鮮感, 以下係一D 個人覺得可以減低炸彈爆發的見解.....

男人:
-真的好明白無論係30歲, 40歲 or 70歲的男人眼中只會對20歲多的靚女有興趣同好奇, 但請你不要忘記你的伴侶當年識你時, 應該都係處於這個年齡吧, 只係冇耐的歲月不留人, 而且女人經過生小朋友後同家庭的洗禮後, 真的冇法keep住好似你當年識佢的美貌, 而且不知不覺間多左幾多條老人紋同肥胖的身型, 信相依d都係你送俾佢的,所以希望你係想食快餐前停一停, 諗一諗.........

-有朋友同我講男人視婚姻為一個高爾夫球場, 唔想成日都入同一個洞, 因為好悶, 真的為這低俗的說話感到想嘔,老實講,俾你入晒場上所有的洞又如何, 但有冇諗過將面臨失去一個開心的家庭的後果, 因為花係冇百日紅的, 而且有傷口的婚姻係冇法修補的, 因為個條刺已經深深埋佢的心底里, 所以真的不要為左一粒糖而輸左一間廠


-係你想帶你地的結晶品來依個世上時, 相信你都承諾過要俾依個小天使快樂的童年同健康家庭,因為你好明白家庭對一個小朋友的成長來係好緊張,所以唔想你心愛的寶貝係一個破碎家庭成長, 請你係食快餐前諗一諗家中可愛的小寶貝....



女人應該做的:
- 不要為左家庭而放棄全個世界, 要keep住有自己的社郊同私人時間去做一D自己想做的事.

- 發掘同另一伴相同的興趣, 例如你的另一伴鐘意食野, 你就陪佢一斎食.,最多食後自己多做運動,HEHE....

- 制造2人世界的時間, 好明白有左小朋友的家庭真的好難下下都2人世界,但為左KEEP住婚姻有SWEET的感覺, 都要掏出一D時間出來.....

- 如果另一伴同你親密時,請不要次次都SAY NO. 因為1次,2次的SAY NO就好易推佢入試探內面.

- 時時保持自己最佳壯態, 令你的另一伴覺得自己奪得靚人歸的感覺, HEHE...

- 不時攪一D親子活動,令佢樂在其中, 不景男人係出面打拼都好辛苦的,醒目的你一定要不時俾D驚喜佢令佢忘記佢的辛勞.

適當時要扮一個愚蠢的女人去配合自以為事的另一伴,令佢不時有沾沾自喜的良好感覺.

 

 

女人不應做的事:

-姐妹們千期不要做一個碎碎諗的女人, 因為這樣的女人真的令人可怕.
- 不要有了家庭同小朋友就認定自己係一位黃面婆.
- 不要偷睇男人的信息同來電,保持大家應有的私人空間
- 不要時時追問佢每日的行程,因為男人天生就有依種性格,你  愈緊佢, 佢愈唔理你
- 不要告枕頭狀, 就算你好好講都係一句起, 二句至, 因為冇人鐘意聽罵自己家人的說話...


真的好希望每一對夫婦都可以相親相愛, 白頭到老........................