HIHI, 我係豆媽啊, 希望可以與你地一起分享我地一家的生活趣事...: 2014

2014年10月3日星期五

海鮮豆腐泡菜煲，Yummy !

啱啱玩完5日4夜的韓國之旅返來,但個心仍然好想好想泡菜鍋,我係唔係傻家啊, WAHAHA...不過講開又講啊,韓國D女仔真的好瘦,D皮膚又滑又靚, 真的睇到我依個阿豬媽眼金金.......

導遊更話我地知, 因為韓國人唔會好似我地香港咁餐餐都好要好多道菜, 佢地多數都係以一個主菜加其他的冰盆一齐就當一餐的, 其次就係因為佢地日日都泡菜啦, 因為泡菜係經過發酵製成的, 而且酵素可以有助腸道排出毒素, 咁皮膚自然都靚D啦...為左靚,我依阿豬媽當然要有樣學樣啦...WAHAHA

材料:
硬豆腐          一磚
京蔥              一條
雞脾茹          一只
洋蔥              半個
虾                  10只
雞柳              2條
鱿鱼              一只
泡菜              2湯匙

調味理:
韓式豆瓣醬            1.5茶匙
韩式辣酱                1湯匙
生抽                        1茶匙
盐                            半茶匙
雞粉                                    半茶匙
水                            200ML

首先凍鍋落油, 等D油熱左時就將洋蔥炒一炒, 逐加入其他材料一同炒, 除左豆腐同泡菜之外,之後加入水同調味理混合咪一齐, 等佢滾開後先加入豆腐, 因為豆腐本身已經熟的而且比例易碎, 所以最後先放豆腐同泡茶, 之後再試下味道, 如果唔夠咸就可以再加少少生抽就可以啦, 最後加咪少少麻油就成功啦....................

2014年9月24日星期三

番茄紅蘿蔔炆牛肋條

包牛肋條已經買左一段時間, 但成日都冇時間整, 所以今日決定清一清雪櫃整左啊, 大家都鐘意我依個簡單方便的理料!

材料:
牛肋條　　　　１包大約１磅到
紅蘿蔔　　　　２條
番茄　　　　　３個
西芹　　　　　３條
洋蔥　　　　　１個

調味料：　
香葉　　　　　３片
茄膏　　　　　３湯匙
生抽　　　　　２湯匙
冰糖　　　　　１小块
雞湯　　　　　２００ＭＬ

今次我用左STAUB 24CM ROUND！

１。首先將已改凍的牛肋條加入蔥同薑出一出水。。。。

２。之後再凍油落入個煲到，　再等ｄ油熱時就可以放洋蔥落去炒，　炒到金黃時就加入番茄，紅蘿蔔，西芹一斎炒一陣，就可以加入牛肋條同調味料一斎炆。。

３。　記得ｄ水一定要蓋過所有的材料，之後加蓋以中大火炆佢１０分鐘左右就轉細火再炆佢一鐘就ｏｋ啦！

４。關火後緊記唔好開蓋，　有得佢焗，直到個煲冇晒火，

５。等食時再加熱同試一試味，如果覺得唔夠咸就可以再加小小生抽，但如果唔想太多汁，就可以加少少生粉水落，令個汁結ｄ。。。。。真的好好味啊

大家記得唔好將多出來的汁倒左佢，因為Ｄ汁係濃宿左的羅送湯，　所以只要少少水同調味理，一個烏冬同Ｄ魚蛋就可以变成好好味的湯烏冬啦。。。。。。。　

產品試用之《位元堂》出品的『小兒清熱散』

今次試用的產品係《位元堂》出品的『小兒清熱散』, 豆豆BB時已經開始食《位元堂》的珠珀保嬰丹同正猴子棗末LA, 所以我對佢的產品打100%的信心同安心, 而且今次試用的『小兒清熱散』正正啱晒我地今次出外旅行用, 因為出去旅行時真的會食好熱氣的食物,又怕豆豆去唔到POO POO, 今次有左佢就無有怕啦………….

豆豆話今次去旅行要自己拉皮夾夾,所以我地就幫佢預備D衫同訓覺要用的野,當然少不了依盒《位元堂》同平安藥啦, 相信係每位MAMA同我一樣有預備依D的,HEHE….

我地出發啦, 點解依位豆豆妹妹咁夜仲係咁精神家……………

『小兒清熱散』含牛黃、水牛角、太子參等三大珍貴中藥
有助清熱解毒，紓緩喉嚨痛、口瘡、口氣大、眼垢多、小便帶黃、大便不暢等熱氣徵狀，配合其他中藥材，無添加劑，全方位針對小兒熱氣, 對我地依D在職媽媽實在太方便太貼心啦

Packing 方面亦好方便啊, 一盒有10小支, 帶出街都好方便啊, 真的隋時隋都方便飲用,因為可以直接加入湯, 奶到,當然最好就用白開水開啦,但因為帶有少少苦澀豆豆唔LIKE, 所以我每次都直接加入奶到,等佢不知不覺間飲左,HEHE……………….

大家睇下位3.5YRS的小朋友仲好鐘意用奶樽飲奶, 因為佢話自己係BB, WAHAHA…

做MAMA的,只要見到自己的小朋友身體健康, 開開心心成長,真的用什麼方法飲用都冇所謂的,

售價：HK$138
銷售地點：位元堂門市、屈臣氐及特約藥房
faceBook：http://www.facebook.com/wytno1baby
查詢：2727 8911

2014年8月28日星期四

野菜餃子~~~~~

大家會唔會好似我突然間好想食某D野咁呢, 前幾日我經過某間好出名的水餃店突然間好想食餃子啊, 見到佢D 價錢真的嚇左一跳, 我冇記錯係未煮熟地餃子12只$30-$35到. 但以我家豆爸的食量,真的唔知要幾多打好, (大家見佢的身型就可諗到啦)WAHAHA....所以我都係自己買材返屋企整算啦, 起碼保證所以材料係新鮮而且價錢仲平好多,HEHE.....

材料方面: 餃子皮一斤$13, 多瘦少肥的豬腩肉$35, 中SIZE的野菜一個$5, 中芹2棵 $2,蔥2棵,蛋白一只..........

醃料方面:將豬腩肉加入盐1茶匙, 糖1茶匙, 生抽1.5茶匙, 普寧豆醬1.5茶匙, 薑汁同麻油少少再撈咪一齐再醃佢2個鐘到....

之後將野菜切成2邊洗好後就用刨絲器將佢刨成碎, 再搾干水份就可以放入已醃好的豬腩肉到.....

跟住我會再將加入剩下的材料就係中芹粒同蔥粒同蛋白再撈一次同試一次味,如果覺得唔夠咸可以再加少少盐就可以開始包餃子啦..........

通常我會買圓形的餃子皮多, 因為包起來比較好包而且食時又唔會大,再將包好的餃子排好係蒸碟上, 但記得放少少生粉係碟上, 咁D餃子就唔會太易破的......

如果你諗住即食的話我覺得用水煮熟就最好味的,因為可以保持豬肉的質量同比較JUICE的, 但如果你想用來煎的話我就建議將包好餃子蒸好後再煎,咁D皮會好脆家啦.............

依盒就係我的煎餃子LUNCH LA.....

南乳炸雞翼

炸雞翼個個都愛食, 但要炸到佢外脆內嫩的話, 真的需要一D技巧, 所以我今日同大家分享依好好味的小食, 真的什麼場合的用到佢的.........

而材料方面有: 雞翼2磅, 生抽1湯匙, 糖2茶匙, 南乳2磚, 跟住將所以有的材料同雞翼混合咪一齐, 再試味, 因為南乳都比較咸的, 所以我冇再落盐的. 之後放入雪櫃醃佢一晚,系炸之前先再加入半杯的生粉同2湯匙的面粉, 就可以開始啦......

今次我用左LC的MARMITE煱, 但大家記住一定要凍煱落油, 然後慢慢咁等佢熱, 要熱到見有油紋為止, 真的唔心急, 因為要油溫夠熱先可以做到外脆內嫩好Juice的後果的

之後就可以快手將所有的雞翼一只一只的放入個煱到炸, 一炸一路留意下佢雞翼的顏色, 當D雞翼変成金黃色就開始OK啦, 大約10分鐘就可以將所以雞翼撈起, 再放大火, 把所有雞翼再放入個煱炸1-2分鐘就OK LA......

希望大家都鐘意啦...........

2014年8月21日星期四

「Q嘜親子廚神大賽2014」

好開心啊,今次得到香港優質標誌局（簡稱：Q嘜)舉行的第三屆「Q嘜親子廚神大賽」的評判, 未出席時已經好興奮,因為平同豆豆一斎煮野就煮得多, 今次仲可以一斎擔任評判, 所以心情特別的緊心同期待, 更加希望透過依個活動去鼓勵更多家長參加多D親子的互動機會從而建立互相之間好更的關係........

豆豆手拎住的就係今日平分個表啦, 一陣我地會按照參賽者的合拍性同食物的賣相樣去選出今日的冠軍的....

豆豆豬仲話要整個搞笑樣同參賽者打氣, 加油,加油.....................

Q嘜仲請來美國著名烹飪節目主持人MR.Martin Yan來做評判, 大家一見到佢係唔係就會諗"YAN CAN COOK" 個節目呢, 我細個時都成日睇佢煮野食, 但估唔到今日可以同佢出席同一個EVENT, 佢個樣真的十年如一日,而且仲SUPER NICE, 豆豆一行前出佢就一手抱住豆豆同我地合照啦。。。

參賽者亦各就位啦。。。大家著上廚師衫後真的好醒目啊。。。。。

是次的主題就大家要把大會提供的材料凡造出可愛的造型，當然要睇咪媽咪同小朋友的合拍度啦。。。大家睇下佢地幾投入，而係台下的我亦為佢地緊張。。。

由過一輪緊張的比賽後，總於有結果啦，而「最合拍親子組合」就係由Chef 02 匡匡豬同媽媽奪得

而「最佳賣相獎」同「Q嘜親子廚神大賽 2014」由Chef 20嵐嵐同媽媽成為今屆雙料冠軍！

最後大家仲來一個大合照去結束今日咁開心又緊張的活動。。。。

相信沒有得獎的其他參賽者亦唔會失落，　因為佢地已經得到一次寶貴的機會同贏左家人同現場朋友的支持，　如果大家想知道多Ｄ有關Q嘜的資訊同update 的活動就真的要留意佢地的網址：http://form.redasia.com.hk/qmarkchef2014/，　希望我同你都成為下個活動參賽者啦。。。。。。。