FAMILY DAY

 

哈哈....我已經忘記左有幾多假期冇留係家中休息下不過依排天氣開始轉涼左好多,所以今個假期要乖乖地留係中家幫自己同豆豆轉季啦.. 於是一早起左身同豆豆去樓下公園放放電先,再去街市買材料煲湯...

病中的豆爸原本叫我地買早餐俾佢食的, 但買完野已經11點幾, 我同豆豆決定一於整個愛心午餐俾佢享受下, 等佢快D好返.HEHE.........

唔知豆豆係唔係受我的影響,依個小妮子亦非常熱愛煮野食, 而且每次都做得好認真, 只要教佢一次, 佢就自動話, MAMI 等豆豆自己來啊....睇下原來2.5YRS的小朋友都可以懂得打雞蛋的,真的不要睇少佢地的能力呢............

  

之後我地一齐發蛋, 佢不斷話好好玩.... 真的只要我地大人肯花少少心機, 港童依樣野真的好難存在的...

 我地只花左半小時就完成我地的愛心中午,有3.6牛奶炒有機雞蛋, 蜜汁魚蛋同腸仔, 再來個出前一丁麵真的飽到不得了...

 

午餐後便開始左我的執衫大行動啦......

真的執到我頭都暈,因為豆豆真的太多衫,亦不知不覺到左黃昏的時間, 所以我地就出左去沙田中心食晚餐加行下街街呢....

今晚我地去左SPAGHETTI HOUSE食PIZZA, 豆爸今次好醒目地用左 APPS BOOK左位, 去到不用等位實在太好啦!因為假期搵位食飯亦係一件好頭痛的事

為食的豆爸每次出街食飯都會叫甜品食,佢話咁樣先叫完美的一餐......