兒童電視節目你點選...................

記得中學時期有一位余老師同我地講過, 佢讀書時代時佢的父母己經因為佢而全家人唔睇電視節目, 果下我地幾個女同學即事O左嘴, 心諗有冇咁誇啊!.....因為係我地的童年電視節目好似離唔開我地生活咁. 父母要努力的搵錢養我地的幾只化骨龍,根本冇什麼所謂的親子時間, 所以一有時間幾姐弟就會坐埋一斎睇電視,就連食飯都時間都離不開電視的視線,你地有冇同感呢...... 個時的我真的覺得老師講的說話有少少作大,但當自己做左父母後慢慢地才理會到老師的那一席說話亦不知不覺間做緊她父母當年做的事情, 原來做左媽媽的轉変係可以咁大, 唔講自己都唔相信, 所以真的要為當時無知的我向她道歉,講真的豆豆好細個時,我地都可以間唔中睇下電視, 但隨住她愈大就愈多需要我地的關心同一斎玩的時間, 所以漸漸地電視節目就遠離我地,我亦冇興趣去知現時TVB播什麼劇集,因為可以陪小朋友做一些親子活動真的勝過睇什麼衝上雲宵之顃的劇集, 加上我同豆爸都幾怕小朋友睇大人電視劇會學講左一D佢自己都不明的大人既語句OR 表情, 所以豆豆從來都唔會睇TVB節目(包括卡通片), 就算睇我地都只會選一些啱佢地年齡的節目, 所以我地係豆豆好細個時就為佢裝左有線電視Disney Junior俾佢睇, 希望佢可以保持個份童真同聽多d不同地語言....

到豆豆愈大愈就需要互動, 所以我地近日亦增加一叫智叻樂園,智FUN樂園俾佢睇,圖中的人物你認到嗎, 有時晚上的親子時間就係一家人一斎跟住節目一斎跳,快樂就係咁簡單加上依家節目的氣氛好好, 主要都係以唱歌同跳舞為主....

 

 SOFIA更係近日我家小公主的致愛, 愛到連行路都要學SOFIA咁拎起條裙行.....

同時亦都多謝學校的互動, 因為豆豆學校每日需要家長報告一下小朋友係家中的睇電視的時間, 依個亦我地比較關注的問題, 雖然係全部睇的係小朋友的節目,但亦要適可而止, 所以我每日只會俾豆豆睇半小時- 45分鐘電視,............