雞肉生菜包 & 韓式炒魷魚

依排成日落兩搞到個人都濕濕立立既感覺,依D時候我多數會食少少辣野去下身體上的濕氣, 所以今晚煮個 韓式炒魷魚, 好易煮又野味, 大家可以試下整.......

 

仲有紅燒黃花魚, 大家唔好聽到紅燒2個字就好似好難咁, 其實只不過將煎好左的魚加水同生抽, 少少糖,煮一煮佢就搞點啊.........

仲有 雞肉生菜包呢.....可能你覺得點解唔用豬肉啊, 佳因我家豆爸係選擇性食豬肉的, 例如餃子, 點心佢OK, 但叫大大塊豬肉放落個口就NONO. ....所以豬肉的佳餚好少我家出現, 除非個日有朋友來食飯就例外啦... 

 

 依個生菜包真的好易整的, 只要炒香蒜頭就可以落已醃左魚露、糖、酒、生粉的
碎肉一斎少, 炒都差不多熟就可以再加少少生抽同魚露同辣蕉仔,熜火後再加上新鮮的青檸汁就可以包生菜食啦.....,正 

 睇下豆豆依個為食妹幾捧生菜包場, 食完一個又一個....

仲要學大人咁包住生菜食, 真的好搞笑.....

 

 

 

韓式炒魷魚

魷魚            2條

泡菜           100克

洋蔥            半個

生抽            適量

糖                 適量

胡椒粉, 芝麻, 盐 少少

 

魷魚先洗好介花跟住CUT一塊塊,洋蔥CUT絛, 跟住魷魚用少少的胡椒粉, 芝麻, 盐醃10分鐘

跟住就可以落煱炒, 炒到8成熟左右就拎起....

洗好煱後炒洋蔥,  等洋蔥軟身後就加咪泡菜同魷魚一斎大炒再落少少生抽同糖就ｏｋ

 

緊記, 泡菜已經有味的菜, 所以落其他的調味理少少就ｏｋ，　如果唔係就會好咸的。。。。。