豆媽靚湯

 秋意的感覺真的好舒服啊, 但我地身體可能未即時適應天氣的轉變到而好易病病....所以依段時間我都會勤力D煲湯去增加家人的免疫力, 病毒同醫生當然就遠離我地一家啦...............

不過我覺得要煲老火靚湯係一門好深的學問, 因為不同材料的配搭有不同的功效而且仲睇返家人的體質去作調配,所以我成日都同我自己MAMI偷私的HEHE....

 

 

 

野生包魚響螺瘦肉南北杏淮山圓肉紅蘿蔔粟米湯

主要材料: 包魚2隻/  響螺 2-3隻/ 豬肉 $38/  淮山 7片/ 圓肉 2湯匙 /紅蘿蔔 2條/ 粟米 2條

做法:

1. 螺頭同包魚洗乾淨，用薑蔥煲3-5分鐘，洗淨切件備用。

2. 豬展飛水備用，藥材洗淨

3. 將所有材料放入大煲，用大火煲30分鐘後,再用小火煲 1.5鐘。

4. 下鹽調味,其實都可以不用落鹽,已經好甜

 

豆豆小朋友好鐘意飲湯的, 工人姐姐話我知佢放學返自己乖乖地飲左一碗,真的太好!