紅蘿蔔鴨腎菜乾南北杏蜜棗豬展湯

秋風起後成日覺得特别乾燥，所以真的要多飲湯水知潤下，我一心諗住煲西洋菜湯，點知返到屋企先知忘記買西洋菜，生完小朋友的女人特别冇記性，所以爲揾下家中儲貨物资，hehe.....竟然卑我到年頭姨媽送卑我的靚菜乾，就用佢啦！

                     材料非常之簡單, 真的一眼都可以睇晒,HEHE......

 近日睇到好多BLOG 友話用LC煲的湯好正, 而且夠晒火候, 我緊係又跟下啦........哈哈, 又真的幾正下...

 所以材料放晒入的27CM的LC到煲. 1.5鐘後就可以湯到超鮮甜的靚, 有時真的一分錢一分貨,HEHE............

今日用緊的鴨腎係奶奶係依間有食緣買來送我的, 成日都聽見奶奶話依間D的海味同乾貨好靚, 偶然的機會我跟左佢去之後先知原來係名人黃雙如小姐開的,佢D產品真的好正, 好似依個鴨腎咁,食落去係冇渣的..

 

紅蘿蔔鴨腎菜乾南北杏蜜棗豬展湯

主要材料: 紅蘿蔔2支/  鴨腎 2隻/ 豬肉 $25/  南北杏  隨意/ 蜜棗2粒 / 菜乾  一把

做法:

1. 將所以材料洗淨切件備用。

2. 豬展同鴨腎飛水備用，藥材洗淨
3. 菜乾用水浸半個鐘到.

4. 將所有材料放入大煲，用中火煲30分鐘後,再用小火煲 1鐘,再焗佢半個鐘。

4. 下鹽調味,其實都可以不用落鹽,已經好甜